Баянхонгор аймгийн Богд суманд өчигдөр буюу тавдугаар сарын 11-ний өдрийн 20:51 цагт 3.8 магнитудын хүчтэй газар хөдөлжээ. Тус сумын Засаг даргаас тодруулахад Богд сумын төвд газар хөдлөлтийн чичирхийлэл мэдрэгдээгүй бөгөөд учирсан хохиролгүй аж.

Түүнчлэн Буянт тавдугаар багийн Засаг дарга болон ойр нутагладаг гурван өрхөөс тодруулахад, газар хөдлөлтийн чичирхийлэл мэдрэгдээгүй бөгөөд учирсан хохиролгүй тухай хэлсэн гэдгийг ОБЕГ мэдээллээ.