Оросын агаарын цохилт Украины агаарын хамгаалалт сул байгааг илчлэв
2025 оны 4-р сарын 24

Украины Гадаад хэргийн сайд Андрей Сыбиха Оросын цохилт ирж буйг баталжээ.

“Орос улс Украины эсрэг асар том пуужин ба дроны довтолгоо эхлүүллээ. Москва зөвхөн дайн үргэлжлэхийг хүсэж байна гэж тэр мэдэгдэв.

Киев болон бусад хотуудад дэлбэрэлт болж бна.

Шөнө дүлээр Киев болон Украин даяар үй олон дэлбэрэлт болжээ. Нийслэл хотын дарга Виталий Кличко агаарын довтолгооноос хамгаалах системүүд идэвхжсэнийг мэдээлэв. Үүний өмнө улс даяар агаараас довтлох аюулын дохио дуугарсан байна. Энэ довтолгоог 2025 оны хувьд хамгийн хүчтэй довтолгоонуудын нэг боллоо гэж үнэлжээ.

“Калибр” пуужингийн довтолгоо Украины гүн рүү хүрчээ:

Өнөөдрийн цохилт нь Украины агаарын хамгаалалт дотоод гүндээ ч хангалтгүй байгааг илт нотолж бна.

Оросын талаас цөөн үлдсэн барууны зенит пуужингийн нөөцийг устгах зорилгоор хамгийн эмзэг далавчит пуужингуудыг ашигласан байна.

Цэргийн шинжээч Семён Пегов өөрийн WarGonzo Telegram сувагт “Оросын Зэвсэгт хүчин дайн эхэлснээс хойш Киев рүү чиглэсэн хамгийн том довтолгоог хийж, хотын төмөр замын дэд бүтцэд цохилт өгсөн” гэж бичжээ.

Бусад бүс нутгууд ч онилогдов:

Харьковт “Малышевын тээврийн инженерийн үйлдвэр” болон орон нутгийн нисэх онгоцны буудал пуужин, дроны дайралтад өртжээ. Мөн Житомир, Днепропетровск, Полтава, Хмельницкий, Сум, Запорожье мужууд ба Купянск хотод цохилт болсон байна.

Оросын армийн шинэ тактик:

Пеговын мэдээлснээр энэ удаагийн довтолгоо нь олон хэлбэрийн зэвсэг хосолсон ажиллагаа байжээ. Эхлээд доод тал нь 40 ширхэг “Герань” дрон долгион маягаар Киев рүү ниссэн нь шинэ тактик хэрэглэж эхэлснийг илтгэж байна. Дараа нь ойролцоогоор нэг цагийн дараа баллистик пуужингуудыг нийслэл рүү харважээ. Хотын янз бүрийн дүүргүүдэд гал гарч, агаарын түгшүүрийн дохио хэдэн цаг үргэлжилсэн байна. Хохирлын нийт хэмжээ одоогоор тодорхойгүй байна.

Одессад бас цохилт өгөв:

“Герань” дронууд Одессын дэд бүтэц, тэр дундаа шатахуун ба үр тарианы терминал бүхий боомтын байгууламжид чиглэсэн байна гэж Николаевын эсэргүүцлийн зохицуулагч Сергей Лебедев мэдээлжээ.

Олон төрлийн пуужин ашиглав:

Ukrainian Military Observer Telegram сувгийн мэдээлснээр, довтолгоонд “Искандер-М” баллистик пуужин, агаараас хөөргөх Х-101 далавчит пуужин, “Искандер-К” далавчит пуужин, тэнгисээс харвах “Калибр” пуужин, мөн агаараас чиглүүлэх Х-59 / Х-69 пуужингууд бүртгэгдсэн бөгөөд Украины агаарын хамгаалалт эдгээрийн алиныг нь ч саатуулж чадалгүй алдсан байна.

Эх сурвалж: Pravda.ru - Russia’s missile strike on Kyiv
Ц.Буянцогтоо