2025 оны дөрөвдүгээр сарын 30-ны өдөр болох үйл явдлын товч мэдээллийг хүргэж байна.

-Засгийн газрын ээлжит хуралдаан Төрийн ордонд болно.

11:00 цагт:

-Аугаа их Эх орны дайнд Ялалт байгуулсны 80 жилийн ойд зориулсан шуудангийн маркийн нээлт РЦНК-д болно.

-Иргэн Б.Бадамцэцэг монголд эмчлэх боломжгүй өвчний төлбөрийн 50 хувийг буцаан олгохгүй байгаа болон үүнийг тогтолцоогоор нь өөрчлөх ёстой гэж үзэж буй талаараа Монгол ньюс-д мэдээлэл өгнө.

11:45 цагт:

“Аугаа их эх орны дайнд ялсны 80 жил” шуудангийн шинэ марк, анхны өдрийн дугтуйны худалдаа Маркийн газар, Төв шуудангийн үйлчилгээний “А” заал, Шуудангийн үйлчилгээний 21, 36, 38, 46, 51-р салбарт болно.

15:00 цагт:

Швейцараас оруулж ирж байгаа хавдрын шинэ эмийн бүтээгдэхүүний нээлт, эмч нарт зориулсан сургалт Чингис зочид буудалд болно. Холбогдох утас 91000379

БУСАД

-Монгол Улсын Их Хурлын дарга Д.Амарбаясгалангийн урилгаар БНСУ-ын Үндэсний Ассамблейн дарга Ү Вон Шиг Монгол Улсад дөрөвдүгээр сарын 26-30-нд албан ёсны айлчлал хийж байна.

-Гадаад харилцааны сайд Б.Батцэцэг Испанийн Хаант Улсын Гадаад хэрэг, Европын холбоо хамтын ажиллагааны сайд Хосе Мануэль Албарэсийн урилгаар хийж буй албан ёсны айлчлал үргэлжилж байна.

-Дархлаажуулалтын долоо хоног орон даяар үргэлжилж байна.

Орон нутагт:

11:00 цагт:

Тарьц, суулгацын үзэсгэлэн худалдаа Сэлэнгэ аймгийн Мандал суманд болно.

-Архангай аймагт дархлаажуулалтын долоо хоногийн өдөрлөг үргэлжилж байна.

Хилийн чанадад:

-Япон Улсын “Осака Кансай”-д үргэлжилж буй “Дэлхийн экспо-2025” Монгол Улсаас 10 гаруй компани оролцож байна.

-Чехийн Үндэсний музейд “Чингис хаан” олон улсын үзэсгэлэн 6 дугаар сарын 22-ныг хүртэл гарч байна.

Э.ЭГШИГЛЭН