Баянзүрх дүүргийн 31 дүгээр хорооны нутаг дэвсгэрээс дөрөвдүгээр сарын 28-ны өдөр байшингийн суурь ухах явцад дөрвөн хүний толгойн гавлын яс олдсон байна.

ЦЕГ "Өнгөрөгч дөрөвдүгээр сарын 28-ний өдөр Баянзүрх дүүргийн нутаг дэвсгэрээс дөрвөн хүний гавлын яс олдлоо гэх мэдээллийн дагуу цагдаагийн байгууллагаас очиж шалгаж үзэхэд хуучирч, өгөрч муудсан дөрвөн хүний гавлын яс байсан.

Тус гавлын ясыг байшингийн суурь ухах явцад гарч ирсэн, түүнийг нь хүүхдүүд тоглож байх явцдаа олсон байсан. Эл хэргийг цааш судлан ямар хүмүүсийн гавлын яг болох, хэзээ нас барсан байх боломжтой талаар бид үргэлжлүүлэн шалгалтын ажил явуулна" гэв.

Эх сурвалж: eguur.mn